💕ચાહતની 💕કલમેથી...✍️: પ્રતિભા, કંઈ ઉંમરની મોહતાજ નથી હોતી!!

સોમવાર, 4 જાન્યુઆરી, 2021

કીડીને મણ અને હાથીને કણની, જરુર નથી હોતી,

દરેકની ક્ષમતા, કદી એક સરખી નથી હોતી,

પ્રતિભા, કંઈ ઉંમરની મોહતાજ નથી હોતી!

ધૃજતાં હાથે પીંછી પકડવામાં, શરમ નથી હોતી,

અવનવું શીખવાની, કોઈ ઉંમર નથી હોતી,

પ્રતિભા, કંઈ ઉંમરની મોહતાજ નથી હોતી!

ઝુકેલી કમર, બાળપણથી, નારાજ નથી હોતી,

ઘડપણ અને બાળપણમાં, અસમાનતા જુદી નથી હોતી!

પ્રતિભા, કંઈ ઉંમરની મોહતાજ નથી હોતી!

બોખા મોંઢામાં, ચોકલેટની મીઠાશ કમ નથી હોતી,

બાળપણની જીદ, ઘડપણથી કમ નથી હોતી,

પ્રતિભા, કંઈ ઉંમરની મોહતાજ નથી હોતી!

બાળપણની યાદો, ઘડપણ પર, ભારી નથી હોતી,

કાગળની હોડી આમજ, ઘડપણમાં પ્યારી નથી હોતી,

પ્રતિભા, કંઈ ઉંમરની મોહતાજ નથી હોતી!

ધૃજતાં હાથ ને ઉદાસ આંખોમાં, ઉત્સાહની કમી નથી હોતી,

નવું શીખવાની ધગશ, ઉંમરની મોહતાજ નથી હોતી,

પ્રતિભા, કંઈ ઉંમરની મોહતાજ નથી હોતી!

ધગશ હોય ત્યાં, મંઝીલ કદી દુર નથી હોતી,

ખરી “ચાહત” હોય ત્યાં, દિલોમાં દુરી નથી હોતી,

પ્રતિભા, કંઈ ઉંમરની મોહતાજ નથી હોતી!!

💕ચાહત💕

💕ચાહતની 💕કલમેથી...✍️