નથી મળતી...

નથી મળતી...

હારી જવાની બીકથી, મંઝીલ નથી મળતી,

પ્રયત્ન અવિરત કરવાથી, હાર નથી મળતી!

અજાણ એવી ડગર પર, સીધી રાહ નથી મળતી,

દરેક રાહ પર, આપણી મંઝીલ નથી મળતી!

કશાય પ્રયત્ન વગર, પ્રસંશા નથી મળતી,

મેદાન છોડી ભાગવાથી, કદી જીત નથી મળતી!

મનનું કહ્યું માનવાથી, બુદ્ધિ ને માત નથી મળતી,

હૃદય અને બુદ્ધિ ની, હંમેશા સાંઠગાંઠ નથી મળતી!

આંસુઓ ની ખારાશમાં, દિલની ઊંડાઈ નથી મળતી,

લાગણીઓને માપવાની, કદી ફુટપટ્ટી નથી મળતી!

સંબંધોના ગણિતમાં, શેષ નથી મળતી,

ઋણાનુબંધ, જેવી અમુલ્ય, કોઈ ચીજ નથી મળતી!

હૃદય પર પથ્થર રાખવાથી, પીડા કમ નથી મળતી,

“ચાહત” પુરી ન કરવાથી, કદી શાંતિ નથી મળતી!!

💕ચાહત💕