આવડી જાય છે...

 

આવડી જાય છે...

જન્મતાંની સાથે, 

શ્વાસ લેતાં આવડી જાય છે,

’ને આમ જાતે,

 જીવતાં આવડી જાય છે!

પડતાં ‘ને આખડતાં, 

ચાલવાની કોશિશમાં,

જાતે, ડગલું,

ભરતાં આવડી જાય છે!

પ્રેમાળ માં ની મમતા,

 ‘ને બાપની શિસ્ત સાથે,

બાળપણને, કેળવાતાં,

 આવડી જાય છે!

ભીતરનાં ઘેરાં નાદને, 

ઓગાળી શકીએ તો,

મૌનને શાંતિથી, 

સાંભળતાં આવડી જાય છે!

આડી તેડી ‘ને વાંકીચુકી,

 ડગર પર, ચાલતા 

મંઝીલ આપણી, 

શોધતાં આવડી જાય છે!

અવનવાં ચહેરાંઓની, 

અડાબીડ ભીડમાં,

ચહેરો ખરો,

 ઓળખતાં આવડી જાય છે!

ઈચ્છાઓ, આશાઓ,

‘ને અરમાનો ની સાથે,

જિંદગી, “ચાહત” થી, 

જીવતાં આવડી જાય છે!!

💕ચાહત💕