ના કર...

 ના કર...

પ્રયત્ન ના કરી, નસીબને દોષ આપ્યા, ના કર,

વાત વાતમાં, વાંક પ્રભુનો, કાઢ્યાં, ના કર!

સત્કર્મોથી મળે છે, મનુષ્ય નો અવતાર,

દુષ્કાર્ય કરીને, આ જન્મ વેડફ્યા, ના કર!

ઊંચું નિશાન જીવનમાં, રાખ હંમેશા,

અસફળ પ્રયત્નોથી, હિંમત હાર્યા, ના કર!

ડૂબકી ઊંડી લગાવવી પડે છે, મોતી મેળવવા,

આમ, કાંઠે બેસીને ખાલી, વિચાર્યા, ના કર!

મનમાં હોય શ્રદ્ધા, તો તરે છે, પથ્થર પણ,

મંદીરે ભટકી, પ્રભુને સવાલ કર્યા, ના કર!

જન્મ છે જેનો, વિનાશ નિશ્ચિત છે, ધરતી પર,

અહંકાર કરી, ખાલી ગુમાન કર્યા, ના કર!

ખરી “ચાહત” અને, દ્રઢ મનોબળ હોય તો,

જીતી જવાય છે કોઈ પણ જંગ, નાસીપાસ થઈને, 

જાત ઉપર, શંકા કર્યા, ના કર!!

💕ચાહત💕