તો, માનું...

  તો, માનું…

જખ્મોથી ફાટેલાં હૃદયને, સીવી બતાવો, 

તો, માનું,

તુટેલાં આયનામાં, પ્રતિબિંબ જોડી બતાવો, 

તો, માનું!

અહીં, આ જગમાં છે હંમેશા, તારું ને વળી મારું,

આપણું બધું સહિયારું, કોઈ કહે,

તો, માનું!

આંસુઓનાં તોરણ, સર્જાય છે, પાંપણ પર, 

કોઈ દુ:ખ, આંસુ વગરનું, અનુભવો,

તો, માનું!

ચાલીને, કંટક પર, લોહીલુહાણ થયાં છે, ચરણ,

ડગર કોઈ, ફુલોથી ભરેલી બતાવો,

 તો, માનું!

ભટકી, ગયો છું હવે સાવ, રોજ નિષ્ફળ થઈને,

સફળતા, વેંત છેટી! કોઈ બતાવો, 

તો, માનું!

દરેક સંબંધોમાં, ઉષ્મા શોધીને થાક્યો છું, હવે,

“ચાહત”ની નવી વ્યાખ્યા, કોઈ કહી બતાવો, 

તો, માનું!!

💕ચાહત💕