હોય પણ...

 

હોય પણ...

આયનાનાં દરેક ટુકડામાં, પ્રતિબિંબ અડધું,

હોય પણ,

પારદર્શક માનવીમાં, કાચ જેવું તીક્ષ્ણ કશું, 

હોય પણ!

સબરસની કિંમત છે, વિવિધ વ્યંજનોમાં અમુલ્ય,

અધિક માત્રામાં પડે તો સ્વાદ, સાગર સરીખો, 

હોય પણ!

જીવનમાં મળે છે, આઘાત અને દુ:ખ હંમેશા,

બહાનું સુંદર કયારેક, જીવવાનું,

 હોય પણ!

ઉર્મીઓ ને લાગણીઓથી, ભરેલું હોય છે, હૃદય,

અવિશ્વાસ ને પ્રપંચ, ક્યારેક, ડોકાતો, 

હોય પણ!

અનેક સંબંધો નિભાવી, જીવે છે માનવી,

કદી એક સંબંધ અનામી, એનું જીવન, 

હોય પણ!

ભેદભાવ માનવજાતિનાં, વધારે છે, નફરત વિશ્વમાં,

ક્ષિતિજની પેલી પાર, “ચાહત”ની દુનિયા, 

હોય પણ!!

💕ચાહત💕