💕ચાહતની 💕કલમેથી...✍️: પડે છે…

સોમવાર, 30 ઑગસ્ટ, 2021

રાજા હોવા છતાંય, વનમાં જવું પડે છે,

દરેકને પોતાનાં ભાગનું, સહેવું પડે છે!

હોય પ્રેમ આપસમાં ભલે, યુગો યુગોનો,

વાંસળી છોડી, સુદર્શન હાથે, લેવું પડે છે!

જવાબદારીઓ અને, ફરજ પુરી કરવા,

બળદ બની ધૂંસરીએ, જોતરાવું પડે છે!

સપનાંના ચણતરથી, ઘર બનાવવાં,

દીવાલોને લાગણીથી, લીંપવી પડે છે!

મુશ્કેલીઓ કે સંકટો, સામે બાથ ભીડવા,

સામી છાતીએ બાથ ભીડી, લડવું પડે છે!

જીવનમાં, નિરાશા કે હતાશાને હરાવવા,

“ચાહત” કોઈ એક રાખી, જીવવું પડે છે!!

💕ચાહત💕

💕ચાહતની 💕કલમેથી...✍️