માણસ છે, એ તો, કાચીંડાથી પણ ઝડપી, રંગ બદલી જાય છે!

 

માણસ છે, એ તો, 

કાચીંડાથી પણ ઝડપી, રંગ બદલી જાય છે!

દિલમાં વસીને, 

સ્વજન બની જાય છે,‘ને, 

મીઠું બોલીને, 

જીવનમાં, કડવાશ ઘોળી જાય છે,

માણસ છે, એ તો, 

કાચીંડાથી પણ ઝડપી, રંગ બદલી જાય છે!

સહાનુભૂતિ બતાવીને, 

આશ્વાસન આપી જાય છે,‘ને, 

મહોરું પહેરીને, 

પીઠ પાછળ, ઘા કરી જાય છે,

માણસ છે, એ તો, 

કાચીંડાથી પણ ઝડપી, રંગ બદલી જાય છે!

આંખોમાં નજર બનીને,

રસ્તો બતાવી જાય છે,‘ને, 

જરુર પડ્યે મદદની, 

નજર ફેરવી જાય છે,

માણસ છે, એ તો, 

કાચીંડાથી પણ ઝડપી, રંગ બદલી જાય છે!

પોતાનો બનીને, 

વિશ્વાસ જતાવી જાય છે,‘ને,

લાગ મળતાંજ, વિશ્વાસ ઘાત,

કરી જાય છે,

માણસ છે, એ તો, 

કાચીંડાથી પણ ઝડપી, રંગ બદલી જાય છે!

પારકો બનીને, 

ઋણાનુબંધ, નિભાવી જાય છે,‘ને, 

અંગત બનીને, દાવપેચ, ખેલી જાય છે,

માણસ છે, એ તો,

કાચીંડાથી પણ ઝડપી, રંગ બદલી જાય છે!

“ચાહત” બનીને,  

દિલની ધડકન, બની જાય છે,‘ને, 

ધડકન બનીને, હૃદયની શુળ બની જાય છે,

માણસ છે, એ તો, 

કાચીંડાથી પણ ઝડપી, રંગ બદલી જાય છે!!

💕ચાહત💕