તું, રહેવા દે...

 તું, રહેવા દે...

ભલાઈ છોડી, બીજાંની નિંદા કરવાનું, 

તું, રહેવા દે,

આયના સામે, જાત છેતરવાનું, 

તું, રહેવા દે!

બાંધીએ છે પૂર્વગ્રહો, કેટલાંય જિંદગીભર,

દિવાલો, હૃદય વચ્ચે, ચણવાનું,

 તું, રહેવા દે!

આપ્યું છે ઘણુંય, કાબેલિયત કરતાં પ્રભુએ,

વાતે વાતે એને, ગાળો ભાંડવાનું, 

તું, રહેવા દે!

સંબંધોનું આવાગમન, તો હોય છે જીવનમાં, 

ખોટાં વમળ મન પર, ચડાવવાનું, 

તું, રહેવા દે!

એ ઈશ છે, જે યોગ્ય હશે, એ જ કરશે સૌ માટે,

શ્રદ્ધા રાખ, એને સલાહ આપવાનું, 

તું,રહેવા દે!

ખરી “ચાહત” થી, જિતાય છે, કોઈ પણ જંગ,

નાસીપાસ થઈ, ખુદને વખોડવાનું, 

તું, રહેવા દે!!

💕ચાહત💕