💕ચાહતની 💕કલમેથી...✍️: મિત્રતા…

રવિવાર, 1 ઑગસ્ટ, 2021

મિત્રતા નું મુલ્ય, જીવનમાં ખાસ હોય છે,

જિંદગી ત્યાં લેતી, રોજ શ્વાસ હોય છે!

સુખમાં સાથે, ખુશીની છોળો ઉડાડતી,

દુ:ખમાં ખભો બની, સાથ હોય છે!

બાળપણમાં બાલિશ, હરકતો પર હસતી,

યુવાનીમાં, રંગીન મિજાજ હોય છે!

દેશ દેશાવર, છો ઉડી જાતી,

એક તાંતણે જોડાઈ, સુત્રધાર હોય છે!

બત્રીસ પકવાનને બદલે, તાંદુલ સ્વીકારતી,

ઋણાનુબંધની, મોહતાજ હોય છે!

સુખની વ્યાખ્યા, જુદી છે સૌ માટે,

મિત્રતાથી સૌ, ધનવાન હોય છે!!!

💕ચાહત💕

💕ચાહતની 💕કલમેથી...✍️